Mange unge skiskyttarar i sving
Under junior-NM og Norgescup i skiskyting i helga, var det med tre utøvarar frå Kvinnherad.
Fredag var det duka for fellesstart, der var det Guro Femsteinevik som hadde beste plassering av dei tre. Ho knalla til med tredjeplass og bronse i klassen K19, som tidlegare omtala. Ein annan kvinnhering, som også var med og gjekk i helga, var Isak Solli Søllesvik. Han klokka inn til ein 7. plass i klassen M17. Storebror, Martin Femsteinevik, var også med, og gjekk inn til ein 11. plass i senior-klassen.
Sundag var det klart for sprint. Guro hadde nok ein gong beste plassering av dei tre kvinnheringane, og gjekk inn til ein fin 4. plass. Martin gjekk inn til ein 7. plass og Søllesvik hamna på 13. plass.
Annonse
Kretsrenn
I helga var det også kretsrenn i skiskyting. Her var det med fleire frå Kvinnherad.
I klassen G11 fann me både Tomas Hjortland òg Peder Sundal Utne. Hjortland stakk av med sigeren medan Utne gjekk inn til ein 3. plass. I klassen J11 var Kvinnherad berre representert av éin utøvar, Amalie Sundal Utne, som gjekk inn til ein fin 2. plass.
I klassane G12 og J12 fann me Sondre Mehl og Maiken Mehl. Sondre gjekk av med sigeren i sin klasse, medan Maiken hamna på ein fin 4. plass i sin.
Annonse
I J13 hamna Cecilie Sundal Utne på ein flott 3. plass, medan Gitle Femsteinevik stakk av med sigeren i klassen G14.
Alle utøvarane i både NM/Norgescupen og kretsrennet går for Hålandsdalen IL.
