Mange besøkte Bondhusdalen førre sommar – no får turstien pengar
16 av landets turmål får i år støtte til prosjekt som skal ta vare på natur- og kulturkvalitetar. På lista over turmåla som får støtte finn vi Bondhusalen.
Miljødirektoratet har tildelt 16 av landets turmål 10 millionar kroner til prosjekt som skal ta vare på natur- og kulturkvalitetar.
– Sommaren 2020 vart ein annleis sommar for mange turmål. Sjølv om utanlandske turistar ikkje kom, tok mange nordmenn turen ut i naturen. Og mange nye turmål opplevde ein betydeleg auke i talet besøkande, noko som aktualiserer viktigheita av god besøksforvaltning, seier direktør Ellen Hambro i Miljødirektoratet i ei pressemelding.
Artikkelen held fram under annonsen.
Utbetring av stiar
Nasjonale turstiar er ei tilskotsordning for turstiar som har store opplevingskvalitetar. Blant dei som får pengar i år finn vi turmål som Preikestolen, Trolltunga og Besseggen, men òg stiar som ikkje har fått støtta tidlegare, som Bondhusdalen og Aurlandsdalen.
– Felles for dei alle er at dei har svært mange besøkjande der ein betydeleg del i eit normalår er internasjonale gjestar. Pengane går blant anna til utbetring av stiar, utfordringar knytt til toalett, bos og informasjon, i tillegg til sårbarheitsanalyse og anna arbeid med besøksforvaltning, skriv Miljødirektoratet.
550.000 kroner
Miljødirektoratet fekk inn fleire søknadar enn dei turmåla som har fått støtte, og mått difor plukka ut dei best eigna turmåla etter ein prioriteringsrunde. Dei ulike prosjekta er tildelt frå 90.000 kroner til 2,1 millionar kroner.
– Vi fekk inn mange gode søknadar. I prioriteringa har vi lagt stor vekt på talet besøkjande og delen internasjonale gjester i eit normalår. Ein del prosjekt har fått midlar for å kunna sluttføra påbyrja arbeid, seier Hambro.
Bondhusdalen er tildelt 550.000 kroner, som er det 6. største beløpet som er tildelt. Sjå lista over prosjekta som fekk støtte under.
* Aurlandsdalen i Lærdal: 90.000
* Besseggen i Vågå: 200.000
* Bondhusdalen i Kvinnherad: 550.000
Artikkelen held fram under annonsen.
* Dronningruta i Øksnes: 250.000
* Dronningstien i Ullensvang: 100.000
* Engabreen, Svartisen i Meløy: 400.000
* Fosseråsa i Geiranger: 1.500.000
* Gaustatoppen i Tinn: 850.000
* Kjerag i Sandnes: 1.500.000
* Kongevegen i Lærdal: 100.000
* Kvalvika – Ryten i Flakstad: 106.000
Artikkelen held fram under annonsen.
* Preikestolen i Strand: 2.100.000
* Romsdalseggen i Rauma: 250.000
* Rødøyløva i Rødøy: 450.000
* Segla i Senja: 450.000
* Trolltunga i Ullensvang: 1.000.000