Mammografibussen i drift att frå måndag
Apparatet er no fiksa og klart for damene som har fått time frå måndag 5.desember, melder Helse Fonna.
Publisert
Sist oppdatert
– Det var 275 kvinner som hadde avtale denne veka, og me har fått tak i dei aller fleste av desse. Dei vert kalla inn på ny, og bussen blir i Rosendal til og med veke 4 i 2023, slik at dei som fekk avlyst timane sine denne veka skal få sjansen på ny, melder kommunikasjonssjef i Helse Fonna Magne Kydland.
Avdelingsradiograf Hanne M. Øvrebø ved Helse Fonna stadfestar at bussen er i drift att frå og med måndag.
Annonse
– Me får ha bussen ei ekstra veke i Rosendal i januar, i perioden 23. til 26. januar. Alle som har fått timen sin avlyst i denne veka som var, vil få telefon eller brev om tid for nye timar, opplyser Øvrebø til Grenda.
