Rosendal musikklag og «The Dynamos» skipa til ei heidundrande konsertoppleving i Rosendal samfunnshus laurdag kveld. Dei dyktige vokalistane Tyra-Andrea Hanssen Sture (t.v.), Helene Rønnekleiv Eriksen (midten) og Nora Nikolaisen (t.h.) tok oss med på ei fin og finurleg reise gjennom Abba-universet.

Mamma mia for ein konsert

Laurdag kveld vart det ompa-takt, trampeklapp og stormande jubel då Rosendal musikklag saman med «The Dynamos» skipa til Abba-konsert.

Journalist i Grenda
Publisert

Musikklaget, saman med dirigent Yngve Nikolaisen, gjorde ein fantastisk jobb og sørga for å gje eit stappfullt Rosendal samfunnshus ei ugløymeleg konsertoppleving. Dei dyktige og karismatiske vokalistane, Helene Rønnekleiv Eriksen, Nora Nikolaisen og Tyra-Andrea Hanssen Sture, tok oss med på ei finurleg og vakker reise gjennom Abba sin vidstrakte katalog.

Rosendal musikklag med dirigent Yngve Nikolaisen i front, hadde ei stødig og erfaren hand over musikken, og leverte på alle sett og vis denne laurdagskvelden.

Opne armar

Reisa hadde ein fin raud tråd, og inkluderte mange av dei største og beste hittane, blant anna Voulez-vous, Gimme! Gimme! Gimme!, Fernando og Money, Money, Money, som kom som perler på ei snor. Kvelden vart avslutta med ein, bokstavleg tala, glimrande Dancing Queen. Noko mange såg ut til å setja pris på ved hiva seg med i dansen, anten dei stod føre scenen eller bak i salen.

Det var ekstra god stemning blant borda heilt framma ved scena.
Fleire av borda lengst fram var ivrige med danseskoa.

Etter konserten var «The Dynamos»-damene sjølv svært nøgde.

– Dette er fyrste gong me har gjort eit så stort show, og Rosendal har vore utruleg gode på å varta opp. Alle saman har teke i mot oss med opne armar. Det har vore ein fantastisk kveld og me verkeleg storkosa oss, fortel dei smilande frå øyra til øyra.

Gjennom songen Honey, Honey, fekk me høyra alt om kjærleikshistoria til Rosendal sine eigne, Trygve Torjusen og Kristin Lamberg.
Dirigent Yngve Nikolaisen losa Rosendal musikklag stødig gjennom heile kvelden.
Rosendal samfunnshus var stappfullt av musikkglade Abba-fans.
Konsertarrangørane utfordra folk til å kle seg ut, med lovnad om premiar til blant anna beste kostyme. Laila T. Westvik (t.h.), Anna Nikoline Moss (midten) og Johanne Skard (t.v) tok utfordringa med iver og glede, sjølv om ingen av dei stakk av med den gjeve sigeren.
Det var mange av borda nærmast scena som stod for det største engasjementet. Damene med dei fargerike parykkane stakk derimot av med sigeren i kategorien «Beste bord».
Dei to yngste konsertgjengarane var Sigrid og Charlotte, som også stakk av med sigeren i kategorien «Beste kostyme».
Abba-konsert med Rosendal Musikklag: N/A
Abba-konsert med Rosendal Musikklag: N/A
Abba-konsert med Rosendal Musikklag: N/A
Abba-konsert med Rosendal Musikklag: N/A
Abba-konsert med Rosendal Musikklag: N/A
Laurdagskvelden vart avslutta på glimrande vis med Dancing Queen.
kultur og underhaldning nyhende revy og musikkteater musikk
Powered by Labrador CMS