Må venta med serveringsløyve
Publisert
Pizzeria Milano AS, som skal starta restaurant i dei gamle lokala til Kvinnherad Sparebank i Rosendal, lyt venta på serveringsløyve.
I samband med at Pizzeria Milano AS har søkt om serveringsløyve til restauranten dei førebur i Rosendal, har dei kryssa av på søknadsskjema at det er søkt om byggeløyve.
Annonse
– Kommunen har ikkje motteke ein slik søknad, og avdeling for byggesaker tok difor kontakt med byggeigar. Byggeigar fekk opplyst at tiltaket krev bruksendring, og me avventar søknad. Pr. dags dato har vi ikkje motteke slik søknad. Me må avventa behandling av søknad om serveringsløyve inntil bygget er godkjent som serveringsstad, skreiv Kvinnherad kommune i ei orientering til restauranteigar Ayse Celep i ein e-post i slutten av mars.
