Må redusera utgiftsnivået for å oppnå ønska driftsresultat
Statsforvaltaren kontrollerer for alle kommunar at budsjett og økonomiplan er i balanse, og at det ikkje er budsjettert med uspesifiserte innsparingar. No har Kvinnherad kommune sitt budsjett for 2022 og økonomiplanen for 2022-2025 gjennomgått ein slik kontroll.
Publisert
Sist oppdatert
Båe sakene vart handsama og vedteke i Kvinnherad kommunestyre 2. desember 2021.
Statsforvaltaren peikar på at Kvinnherad kommune har høge inntekter til samanlikning med snittet for kommunane i landet, sjølv når det blir teke omsyn til utgiftsbehovet for kommunale tenester.
Annonse
Vidare går Statsforvaltaren sine vurderingar ut på at kommunestyret må gjennomføra tiltak som reduserer utgiftsnivået, dersom kommunen skal kunne nå si eiga målsetjing om å oppnå netto driftsresultat som over tid ligg på 2,75 prosent.
«Med eit slikt resultat kan kommunen over tid sikre ei økonomiske handleevne og oppretthalde ein naudsynt buffer i drifta og ha midlar til eigenfinansiering av investeringar. Det siste er naudsynt for å snu ei aukande lånegjeld, og oppnå kommunestyret si målsetjing for lånegjelda. Dette har òg samanheng med at kommunen sine ekstraordinære inntekter frå kraft og havbruk vert nytta til føremål som investeringar», heiter det i Statsforvaltaren si vurdering, som kom kommunen og postlista i hende 1. juli.
