Lover ministersvar etter sommarferien
Førebels er det for tidleg å seia om det blir ein minister å sjå under opninga av tømmerkaien på Børnes.
Publisert
Sist oppdatert
I førre veke sendte Kvinnherad kommune og Søre Kvinnherad skogeigarlag invitasjon til landbruks- og matminister Sandra Borch til opning av den oppgraderte tømmerkaien på Børnes. Det første svaret er ikkje konkluderande i nokon retning.
– Departementet vil koma attende til kommunen med avklåring om eventuell deltaking frå politisk leiing og tidspunkt så snart som mogleg over sommaren, lovar fagdirektør Arne Sandnes ved Landbruks- og matdepartementet si avdeling for skog- og ressurspolitikk, seksjon skogpolitikk i brev til Kvinnherad kommune.
