Lokkar med Monsterbesøk i leselunden
Førstkomande laurdag inviterer Kvinnherad bibliotek til ny familiedag. Denne gongen er det Monsterbesøk - eit utandørs figurteater med Adele Duus som står på programmet.
Publisert
– I denne vesle figurteaterframsyninga om kor vanskeleg det er å vere tre, møter de Lys Levende Adele i alle rollane. Framsyninga varar i om lag 30 minutt, og passar for heile familien, frå 3 år og oppover til ca 7 år. Alt skjer utandørs, så kle deg og dine etter vêret! inviterer biblioteket.
Monsterbesøk byggjer på den nynorske biletboka med same namn av Áslaug Jónsdóttir, Rakel Helmsdal og Kalle Güettler, omsett av Tove Bakke. Denne boka er den femte i den populære serien som forfattartrioen frå Island står bak.
Annonse
– Deltaking er gratis, men du må melde deg på for å vere med. Kle deg gjerne ut som monster, du óg og kom! inviterer biblioteket.
Sidan det kun er 50 plassar, ønskjer biblioteket påmelding til: bibliotek@kvinnherad.kommune.no.
