Lokka turfolket ut til Hestasletto
Kos, leik og kjekke konkurransar prega Hestasletto i Rosendal då Kvinnherad Turlag inviterte på Kom deg ut-dag.
Publisert
Sist oppdatert
Då Grenda svinga innom den idylliske stemneplassen i Rosendal var det kring 60 store og små som var fast bestemte på å kosa seg i finvêret.
– Dette er sommarvarianten av Kom deg ut-dagen. Me har det på litt lågare turnivå denne gongen. Turmålet ligg sentralt, og då når me kanskje ei anna gruppa enn dei som reiser til Tveitedalen eller Fjellhaugen. Ein reng ikkje gjera det så vanskeleg. Her er det lett tilgjengeleg, sa Mona Eikemo Røstbø mellom grillspydutdeling og epleplukkekonkurransen.
Annonse
Saman med fire andre vaksne og eit knippe frivillige ungdommar, laga dei til ein innhaldsrik, men uformell dag på Hestasletto, der aktivitetsalternativa var mange.
– Me har lånt utstyr på Bua, som betyr at me har med eit kippe leikar til alle. I tillegg grillar pølser me pølser og koker kaffi på grua, la Eikemo Røstbø til.
Fin og lett stemning prega arrangementet, der småbarnsfamiliane var i klart fleirtal, og gleda av å vera aktivitet ute i naturen i fint vêr såg ut til å vera felles for alle.
