Lokal forfattar toppar utlånslista for vaksne i Kvinnherad

Kvinnherad bibliotek har lista dei fem øvste frå utlånstoppen for vaksne og for barn, og på denne kan ein sjå at Vaage sin roman bytte hender og leseauge heile 73 gonger.

«Det uferdige huset», som kom ut i november 2020, markerte seg elles med å bli nominert både til Nordisk råds litteraturpris og til P2-lyttarane sin litteraturpris i fjor. Dette underbyggjer at 73 lesarar har fordjupa seg i ein roman som har blitt vurdert som særskilt bra, noko også Grenda slo fast i si bokmelding.

Kvinnherad bibliotek gratulerer forfattaren frå Sunde med listetoppen.

Forfattaren Jørn Lier Horst er med god margin den forfattaren som har inspirert flest av kommunen sine lånarar til å lese. Horst er den einaste som kan skilte med fleire bøker på utlånstoppen, med ei bok for vaksne, og tre barnebøker på topp fem-listene.

Kvinnhering nominert til Nordisk råds litteraturpris

Utlånstoppen for vaksne:

1. «Det uferdige huset» av Lars Amund Vaage - 73 utlån

2. «Den savnede søsteren» av Lucinda Riley - 65 utlån

3. «Sak 1569» av Jørn Lier Horst – 61 utlån

4. «Nabovarsel» av Unni Lindell

5. «Felemakaren» av Edvard Hoem

Utlånstoppen for barn

1. «Fenrisulven» av Odin Helgheim – 93 utlån

2. «Jakten på enhjørningen» av Jørn Lier Horst – 91 utlån

3. «Hundemannen håver inn» av Dan Pilkey – 82 utlån

4. «Operasjon rød sløyfe» av Jørn Lier Horst – 80 utlån

5. «Operasjon Lurifaks» av Jørn Lier Horst – 79 utlån