– Livet kan bli tilnærma normalt i september

Helse- og omsorgsminister Bent Høie kjem med ein oppløftande spådom til koronaleie nordmenn.

– Det er mykje som tyder på at vi i september kan ha eit liv som er tilnærma normalt, seier Høie til VG.

Det er med ein føresetnad om at vaksineringa går som planlagd, og om det ikkje oppstår heilt nye mutasjonar eller kjem ny kunnskap om eksisterande mutasjonar.

Til VG seier Høie at han trur den meir smittsame deltavarianten frå India etter kvart vil dominera også her i Norge. Men han trur ikkje at det nødvendigvis vil truga gjenopninga i samfunnet.

– Kor vesentleg det er, er avhengig nettopp av vaksinen sin evne til å beskytta mot omfanget av utbrot, seier han til avisa.