– Liten eksplosjon i ein likerettar, med påfølgande brann og røykutvikling
Slik omtalar mediekontakt Anders Vindegg hendinga ved Hydro Husnes fredag kveld.
Publisert
Sist oppdatert
– Industrivernet vårt var raskt på staden, og har hatt full kontroll heile vegen. Men eksplosjonen førte til at straumen forsvann, ikkje berre på verket, men også i bygdene rundt, held Vindegg fram, og legg til at det har blitt jobba intenst.
Like etter klokka 22 fredag kveld var straumen attende, både i bygdene og i A- og B-hallen. Sistnemnde fekk straumen attende til sist.
Annonse
Ingen personskadar
Det er for tidleg å sei kva som er årsaka til eksplosjonen, og det blir noko dei vil freiste å finne ut av no.
– Eksplosjon, brann og røykutvikling - er det personskadar?
– Nei, det er ingen personskadar. HMS er det viktigaste, og som sagt var industrivernet raskt på plass. Hendinga var såleis ikkje dramatisk, seier Vindegg.
Annonse
Då Grenda ringte hadde han nettopp snakka med verkssjefen.
– Verkssjefen var roleg han, seier Vindegg, og legg til at det kritiske for alle verka til Hydro er tilgang på straum.
Sidan straumen kom raskt attende vart det ingen store økonomiske følgjer av eksplosjonen.
