Lilli og Emma varmar opp med J19-NM

– Me byrja bra. Det vil seia, me har ikkje trent på ei veke, så første kampen brukte me til å koma i gang. Men me kjenner kvarandre godt, så samspelet sat ganske kjapt, seier Lilli Aksnes-Øystese på telefon frå hovudstaden.

Aksnes-Øystese spelar i J19-NM tysdag til torsdag, medan J17-NM startar fredag. I begge meisterskapa spelar hatlestrandjenta saman med klubbvenninna Emma Sandvik Rødal frå Varaldsøy

J17-NM hovudmålet

Felles for dei begge – forutan å vera dugande volleyballspelarar – er at dette er første året 15-åringane har lov til å spela J19-NM. Men det er i J17-klassen dei har størst sjansar til å hevda seg.

– J19-meisterskapen blir oppvarming, fleipar Lilli.

– Det er mange gode lag her, spelarar som er mykje eldre enn oss, så me ventar nokre tøffe kampar. I tillegg er det mange lag med, så det blir lange pausar mellom kampane, seier ho om J19-meisterskapen.

I fjor vann dei to J15-NM i sandvolleyball. No er dei for gamle for den klassen, som går dei same dagane som J19-meisterskapen.

– Me satsar på at me kan bita frå oss godt i 17-årsklassen, seier Lilli om det som ventar til helga.

Strand-Ulv-duoen er på langt nær dei einaste som deltar i eitt eller fleire av meisterskapa. Då Grenda var på tråden, var duoen ute og åt middag saman med Siri Aasgard, Solvår Gjuvsland Skjelnes og søstrene Henriette, Maren og Stine Næss Våge, som alle spelar NM denne veka. Men lista, som ein vil sjå under, er lenger enn som så.

– Me bur på hotell heile veka, og prøver å slappa av mellom slaga, sluttar Aksnes-Øystese.

NM U15 og U19 26.-28. juli

U15 gutar

Iver Femsteinevik og Gabriel Ekornes Hopland (Blindheim IL)

U15 jenter

Anne Pernille Nistad og Maren Næss Våge

Ronja Kirketeig og Iselin Nilsen

U19 gutar

Jens Aasgard og Even Stray Aas (Kristiansand Sandvolleyballklubb)

Eirik Kirkhus Lysen og Trym Klippen (Sandnes Volleyballklubb)

Fredrik Nistad og Elias Boland Johansen

David Eikeland og Anders Juvik (Bergen Sandvolleyballklubb)

U19 jenter

Lilli Tuften Aksnes-Øystese og Emma Sandvik Rødal

Solvår Gjuvsland Skjelnes og Henriette Næss Våge

Mari Svendsen Fagerlid og Solveig Sunde (Austrått IL)

Stine Næss Våge og Siri Aasgard

NM U17 og U21 29.-.31. juli:

U17 gutar

Eirik Gjuvsland Skjelnes og David Stenberg (Kvernbit IL)

U17 jenter

Henriette Næss Våge og Tale Adine Fosseli (Kristiansand Volleyballklubb)

Lilli Tuften Aksnes-Øystese og Emma Sandvik Rødal

Mari Svendsen Fagerlid og Siri Aasgard

Lone Sofi Silke og Maren Næss Våge

U21 jenter

Solvår Gjuvsland Skjelnes og Anna Langeda Djupvik (Strandvik IL)

U21 gutar

Jens Aasgard og Even Stray Aas (Kristiansand Sandvolleyballklubb)

Eirik Kirkhus Lysen og Olav Ingebrigtsen (Morland SVK)

Fredrik Nistad og Eskil Engås (Blindheim IL)

Henrik Tholo Aasen og Sigve Rødland

Elias Boland Johansen og Simon Stenberg (Kvernbit IL)