Ligg an til liten auke

Snøggbåten mellom Sunnhordland, Austevoll og Bergen er ikkje prega av dei store svingingane gjennom året, då det fyrst og fremst er ei pendlarrute og i mindre grad ei turistrute, sjølv om sommaren gjev trafikken eit godt løft. Mellom anna ligg turane frå Sunde og Ranavik til Leirvik innbakt i desse tala.

På same måte som for Hardangerfjordekspressen, viser tabellen veldig god trafikk i juli, men relativt klar nedgang i juni og august. I juli vart det frakta heile 36.665 passasjerar på denne ruta.

I fjor enda sluttsummen på 380.295 reisande. Med normal utvikling frå september til desember, vil ein truleg enda kring 383.000 i år. Det er likevel eit godt stykke unna tala frå før pandemien. I 2019 var det 415.000 passasjerar med Sunnhordlandsruta.