Leik med fyrverkeri utløyste brannalarmen
Fyring av kinaputtar inne i eit toalettanlegg førte til full utrykking.
Publisert
Sist oppdatert
I 18-tida første nyttårsdag gjekk brannalarmen ved Valen skule.
– Det blei utrykking til skulen, der det viste seg at barn hadde leika med fyrverkeri inne på eit frittståande toalettanlegg ved skulen. Toaletta har stått ulåst, og barna kom seg inn. Fyrverkeriet utløyste brannalarmen, forklarer politistasjonssjef Sigurd Børve.
Annonse
Politiet har hatt kontakt med både barn og foreldre i etterkant av hendinga, og hatt bekymringssamtale med dei.
– Andre reaksjonar blir det ikkje frå vår side, seier Børve til Grenda.
