Legg ut på turné med mini-musikal
Trusopplæringa i Kvinnherad skal i april reisa rundt i kommunen med ein mini-musikal om Noah´s ark.
Publisert
Sist oppdatert
«Vi får høyra forteljinga om Noah og familien hans, medan vi brukar alle sansane våre. Etter forteljinga får barna sjølv undersøka dyra og leika med dei», skriv einingsleiar i Trusopplæringa i Kvinnherad Kristine Hestad i ei pressemelding.
Musikalen er laga med små barn i tankane, og dei eldste barna får delta aktivt i musikalen ved hjelp av ulike rytmeinstrument som trommer, regnstav, egg, stjernedryss og fingersymbalar.
Annonse
«Er du oldemor, oldefar, bestemor, bestefar, tante, onkel, fadder, nabo eller venn med eit av desse barna? Kom på mini-musikal!», skriv Hestad og legg til;
«Foreldre er òg velkomne».
Det vert samling for 1-3åringar i Eid, Valen, Uskedal og Kvinnherad kyrkje, samt for 0-8åringar i Tråvik skulehus i Ølve. Samlinga varar om lag ein time og er gratis.
Meir informasjon kan ein finne på kyrkja si heimeside.
