Drop-in vaksinering: Torsdag 29. juli er det opna for at alle innbyggjarane over 18 år kan melda seg til vaksinering, samstundes som kommunen også opna for drop-in vaksinering i Rosendal for 2. dose. Dette medførte lange køar av både folk og bilar utanfor samfunnshuset torsdag morgon. Foto: Jorun Larsen

Ledig for vaksinering i Rosendal i dag

Kvinnherad kommune har kome med viktig informasjon om koronavaksineringa i Rosendal i dag. Det er nemleg mogleg å få seg både fyrste og andre dose i dag.

Morten Nygård
Publisert: 29.07.2021 09:56 Sist oppdatert: 10:03

I Rosendal er det meir enn 200 dosar som ikkje er bestilt ennå. Fyrste vaksinering vert no prioritert, og kommunen oppmodar alle over 18 år som ikkje har fått sin fyrste vaksine om å registrera seg og bestilla time på https://timebestilling.remin.no/kvinnherad.

Men også du som har fått time til andre vaksinering kan møta opp i Rosendal i dag for «Drop-in»-time og såleis få timen framskunda. Dette er mogleg fram til klokka 14.30. Men merk at det må ha gått 3 veker sidan du fekk fyrste dose.

Artikkelen held fram under annonsen.

Dette er det tydelegvis mange som har fått med seg, for det var lang kø utanfor Rosendal Samfunnshus på morgonkvisten.

På Husnes er alle vaksinetimane bestilte i dag.

NYHENDE