Lars Kristian (18) spelar første landskamp i EM-kvalifiseringa
Onsdag 3. august startar EM-kvalifiseringa for det norske herrelandslaget i volleyball.
Publisert
Første kamp i kvalifiseringa blir spelt på SpareBank 1 Arena i Volda, kor det norske herrelandslaget møter Hellas.
TIF Viking-spelaren Lars Kristian Ekeland frå Hatlestrand er ein av spelarane som er teke ut til kampen mot Hellas. Ekeland har frå før erfaring frå EM i volleyball med juniorlandslaget, men dette blir hans første landskamp på senior-nivå.
Annonse
– Eg var på ei samling med seniorlandslaget for to år sidan, men det var berre ei samling. Kjem eg på bana i denne kampen blir det min offisielle debut for herrelandslaget, fortel Ekeland dagen før kampen.
Har trua
Det norske herrelandslaget har nyleg spelt tre treningskampar mot Latvia i Riga. På bakgrunn av dette meiner ein av Ekeland sine lagkameratar, den 25-årige midtspelaren Eirik Kavli, at laget i år kan klare å kvalifisera seg til EM.
– Treningskampane i Latvia var utruleg viktige for laget. Der fekk me kjenna på det å spela kamp saman, og å møta tøffare motstand. Nivået vårt auka stort etter første kamp. Difor trur me at dette blir året me kvalifiserer oss til EM, seier han til Norges volleyballforbund.
Annonse
Norge spelar i gruppe E saman med Kroatia, Kypros og Hellas, og skal gjennom kvalifiseringa møta alle laga på heimebane og bortebane.
