Lagmannsretten stadfesta 15,5 års fengsel for Varaldsøydrapet
I juni 2022 vart den tiltalte etter drapet på Varaldsøy dømt til 15,5 års fengsel i tingretten. Etter anken står lagmannsretten ved denne straffeutmålinga.
Publisert
Sist oppdatert
Drapet på Renate Strand Normann 22. april 2021 vart handsama av Haugaland og Sunnhordland tingrett i juni 2022. Der vart ein mann i 40-åra funnen skuldig i drapet, og dømt til 15,5 års fengsel.
Den dømte anka saka til ein høgare rettsinnstans, og har tidlegare i år vore til handsaming i Gulating lagmannsrett. Der har han også blitt funnen skuldig i drapet, og dommen på 15,5 år fengsel blir ståande ved lag.
