Lagar eige kontaktpunkt for dei som vil bli fosterforeldre til ukrainske barneheimsbarn
Kommunen har etablerer eiga e-postadresse som dei som ynskjer å bli fosterforeldre kan nytta til den første kontakten.
Publisert
Sist oppdatert
– Eg har fått nokre spørsmål frå folk i Kvinnherad som ynskjer å melda seg som fosterforeldre for ukrainske barneheimsbarn som er på flukt. Saksgangen er då slik at ein må registrera seg i sin eigen kommune, før kommunen rutar dei vidare til ei sentral godkjenningsinstans som overtar løpet etterpå, forklarer ordførar Hilde Enstad.
Det er ein lang prosess å bli godkjent som fosterheim eller beredskapsheim, og denne prosessen blir gjennomført sentralt for heile landet.
Annonse
– Me har oppretta ei ny adresse for å kunna melda seg for å hjelpa menneska som kjem, integrering@kvinnherad.kommune.no. Om du har møblar, dekketøy og anna som skal til for å fylla ein heim, så kan kommunen kontaktast på e-post ukraina.flyktning@kvinnherad.kommune.no. Det er framleis behov for meir der, opplyser ordføraren.
