Kvinnheringar toppar negativ liste

Digital postkasse, eller såkalla Digipost, er ei offentleg teneste som lar folk ta i mot meldingar på ein sikker, rask og enkel måte. Av innbyggjarane i Vestland finn me at 49,8 prosent har Digital postkasse, noko som er ørlite under landssnittet på 50 prosent. I fylket er andelen Digipost-brukarar høgast i Bergen og Fedje, og lavast i Etne og Eidfjord.

Høgt alderssnitt

Det er derimot mogeleg å reservera seg mot digital kontakt med det offentlege, noko altså heile 6,07 prosent av kvinnheringar har gjort.

– Reservasjonar følgjer gjerne alder. Generelt ser me at kommunar med høgt alderssnitt, også har fleire innbyggjarar som har reservert seg mot digital kommunikasjon frå kommunen. Difor er det viktig å hugse på brukarane når ein lagar nye offentlege løysingar. Jo meir brukarvenlege og inkluderande tenestene er, desto fleire vil bruka dei på sikt, seier avdelingsdirektør Nina Olsen Munthe i Digdir i ei pressemelding.

Medan Kvinnherad toppar den negative lista, er det Fitjar, Bjørnafjorden og Øygarden som ligg nedst på lista med færrast personar som har reservert seg.

Desse kommunane har flest reserverte innbyggjarar:

1. Kvinnherad: 6,07%

2. Hyllestad: 6,05%

3. Solund: 5,86%

4. Askvoll: 5,56%

5. Stad: 5,35%

(Andel innbyggjarar i Vestland som har registrert seg i Reservasjonsregisteret)

Her er Digital postkasse mest populær:

1. Bergen: 55,8%

2. Fedje: 49,8%

3. Stord: 48,8%

4. Askøy: 48,5%

5. Sogndal: 48,4%

(Andel innbyggjarar i Vestland som har skaffa seg Digital postkasse)

Disse vestlendingane loggar inn oftast:

1. Modalen: 0,49

2. Solund: 0,36

3. Sogndal: 0,33

4. Bremanger: 0,27

5. Masfjorden: 0,26

(Andel innbyggjarar i Vestland som har logga seg inn på ei digital teneste sist månad)