Kvinnhering vann storgevinst i Lotto

Ei kvinne frå Kvinnherad vann laurdag kveld ein kjempegevinst i Lotto.

 

Det var tre spelarar som delte potten på 14,5 millionar kroner i laurdagens trekking. Det betyr at kvar av dei får over 4,8 millionar kroner inn på konto.

Den eine bur i Nordland, ein høyrer heime i Agder, og den siste er altså kvinnhering.

- Å herregud, tullar du? Å herlegheit! Men det var flott. Dette vart ein fin laurdagskveld. Vi såg på Maskorama no rett før du ringte, sa kvinna frå Kvinnherad til Norsk Tipping.

Ho fortalde vidare at ho har spelt Lotto av og på i lengre tid, men berre levert for ein femtilapp kvar gong.

- Eg har vel vunne ein og annan femtilapp også. No skal eg betala ned litt gjeld, og gje litt til barna mine, sa den blide kvinna som ynskjer å vera anonym.

Vi gratulerer!