Kvinnherad kommune ynskjer fleire søknadar om straumstøtte frå frivilligheita

– Det er så langt kome få søknadar om straumstøtte, så dei som har ein god søknad har gode sjansar å vinne fram, seier han til Grenda.

28. februar opplyste Anette Trettebergstuen om at straumstøtteordninga som gjeld frivillige organisasjonar var på plass, og at søknadsportalen var open. Ordninga er altså på plass, men søknadsportalen stenger 15. mars.

– Alle frivillige organisasjonar som har utgifter til straum eller fjernvarme, og held til i ein kommune som hadde ein gjennomsnittleg straumpris på over 70 øre per kWt i desember, har rett på tilskot og kan no søke tilskot på Lotteri- og stiftelsestilsynet sine heimesider eller direkte til sin kommune, sa kultur- og likestillingsminister Anette Trettebergstuen i ei pressemelding.

No er det endeleg vedteke at 250 millionar kroner skal gå til å avhjelpe frivillige organisasjonar og foreiningar som følgje av dei høge straumprisane i vinter.

Frå og med, 28. februar, har ordninga vore mogleg å søkje på. Fristen for å søkje er 15. mars, og Kvinnherad kommune håpar det kjem fleire søknadar innan den tid.

Målgruppe

Desse gruppene kan få tilskot frå ordninga:

1. Alle frivillige organisasjonar som er registrert i Frivilligregisteret

2. Andre verksemder som er eigd av frivillige organisasjonar og har utgifter til straum eller fjernvarme

3. Andre verksemder med vesentleg innslag av frivilligheit kan søke om tilskot. Det gjeld til dømes grendehus eigd av samvirke der frivillig innsats er avgjerande for drifta.

Denne artikkelen vart først publisert 28. februar. Oppdatert artikkel etter innspel frå kommunen 11. mars.

– Galopperande straumprisar råkar friviljuge

Straumstøtte til frivilligheita: – Bra at dei har kome i gang