Kvinnherad-ferjer kan bli streikeråka
Dersom sjømannsorganisasjonane og NHO Sjøfart ikkje blir einige innan midnatt fredag, blir mannskap frå to lokale samband tatt ut i streik laurdag morgon.
Publisert
Sist oppdatert
Torsdag starta meklinga mellom sjømannsorganisasjonane Norsk Sjøoffisersforbund, Norsk Sjømannsforbund og Det norske maskinistforbund og NHO Sjøfart. Dei har frist på seg til å finna semje innan midnatt fredag.
I eller nær Kvinnherad er desse ferjene tatt ut i ein eventuell første fase av ein streik:
Annonse
Skjersholmane – Ranavik: Rute B MF «Hillefjord»
Gjermundshamn – Årsnes: Rute A MF «Sildafjord»
Jondal – Tørvikbygd: Rute B MF «Lifjord»
Snøggbåtrute 2080 MS «Tranen», som trafikkerer Sunde-Ranavik-Leirvik-Bergen er også på lista over fartøy som kan bli tatt ut i ein eventuell streik.
Annonse
– Om det ikkje blir ei løysing innan fristen, går forbunda sine medlemmer som er på jobb om bord på desse skipa ut i streik frå kl. 0600 laurdag 8. juni.
Totalt er det snakk om 33 ferjer på samband over heile landet som blir lagt til kai viss meklinga ikkje fører frem, opplyser Norsk Sjøoffisersforbund. Talet skip som blir omfatta av ein eventuell konflikt kan utvidast med fire dagars varsel.
