Kvinnherad Arena opna igjen

Som kjend har arenaen vore stengd sidan førre torsdag, då teknisk ansvarleg fann ein feil på naudslyssentralen. Dette gjorde at naudlysa ikkje ville ha fungert under eit straumbrot, og då var det ikkje forsvarleg å opphalda seg i arenaen.

Deler vart bestilte og forventa måndag. Dei ankom Husnes tysdag og feilen vart utbetra.

– Den beste luka i kalenderen å opna, er døra til arenaen. Feilen er utbetra og vi vender no attende til normal aktivitet, skreiv kulturleiar Daidalos Dahle i ein SMS til Grenda tysdag.

Det vil seie at alle planlagde treningar og aktiviteter er i gang igjen.