Kvinne funnen død på Varaldsøy – politiet mistenker drap
Kvinna blei funnen utandørs og foreløpige funn taler for at ho blei drepen, melder politiet.
Like før kl. 04 natt til fredag sendte politiet i Hordaland ut pressemelding der dei skriv:
– Politiet mottok torsdag 22.04.21, kl. 20:40, melding om funn av ei død kvinne på Varaldsøy i Kvinnherad. Kvinna blei funnen utandørs, og foreløpige funn taler for at hun ble drepen. Ein person har fått status som sikta, og blei pågripen i nærleiken av staden der kvinna blei funnen, står det i meldinga.
Artikkelen held fram under annonsen.
Vidare skriv politiet at avdøde er ikkje formelt er identifisert, men politiet meiner å ha rett identifikasjon på den avdøde kvinna, og at pårørande er varsla.
– Politiet har iverksett etterforsking og har betydelege ressursar på saken. Åstaden er avsperra, og kriminalteknikarar vil koma til Varaldsøy fredag formiddag, melder politiet.
Sikta blei i natt frakta til Bergen Sentrum politistasjon. Han vil få oppnemnd forsvarar i fredag morgon tidleg.
– Me er endå tidleg i etterforskingsfasen, og ber om forståing for at me ikkje kan gå ut med detaljar om hendinga per no. Nærare informasjon vil bli gitt i morgon kl. 10.00, sluttar politiet i meldinga.