Kvinne falt i sjøen på Valen

Klokka 12.03 laurdag vart naudetatane varsla om at ei kvinne hadde falt i sjøen i båthamna i Valevågen.

«Held seg fast i et tau som er festa i land, båtplass eller liknande. Politiet har SAR-varsla hendinga. Forutan nødetatane, er redningshelikopter og luftambulanse på veg. Politiet er i samtale med mellom anna kvinna som er i vatnet per telefon. Hendinga skjedd når ho haldt på å måka ein båt fri for snø», opplyste Vest politidistrikt.

Heldigvis kom kvinna på land etter kort tid. Redningshelikopteret og brannetaten kunne difor snu.

Nedkjølt

Ifølgje politiet fortalde kvinna at ho var kald i heile kroppen og noko nedkjølt. Ambulanse og lege var på staden og ivaretok ho. Også sonen til kvinna var til stades i båthamna. Han vart teken med til legevakta, men det er ikkje opplyst om personskader.

Klokka 13.28 skreiv politiet at begge dei involverte var køyrt heim etter sjekk på legevakta.