Kuttar kostnadane med 11 milliardar kroner for straumforbrukarar
Statnett kuttar i sin andel av nettleiga frå 1. september og ut 2023, og kuttar kostnadane med 11 milliardar kroner for norske straumforbrukarar.
Publisert
Sist oppdatert
Statnett vil frå 1. september i år og ut 2023 setja energileddet i nett-tariffen til null. Fastleddet for forbruk vart sett ned frå 1. april i år, og vert sett til null også for heile 2023. Til saman utgjer de nye tariffreduksjonane 11 milliardar kroner i lågare kostnader for norske straumforbrukarar.
I ei pressemelding frå Statnett kjem det fram at årsaka er at selskapet har rekordhøge inntekter frå overføring av straum. Desse inntektene skal tilbakeførast til kundane.
Annonse
– Inntektene vi får når straum vert overført er rekordstore. Samstundes er kostnaden for tap i nettet også større. Denne kostnaden ønskjer vi no å kompensera slik at meir av flaskehalsinntektene kjem tilbake til norske forbrukarar og industrien, seier konsernsjef Hilde Tonne i Statnett i pressemeldinga.
Kjem nettkundane til gode
Den største kompensasjonen vil koma i Sør-Norge, der prisen er høgast og dermed kostnaden ved tap i nettet også.
– Det er viktig for oss å sikra at de ekstraordinære inntektene kjem nettkundane til gode. Denne beslutninga betyr at nettkundane får 11 milliardar kroner i redusert tariff til Statnett, avsluttar Hilde Tonne.
