Fartøyvern er ei av ordningane ein no kan søkja tilskot til for 2023. Saka er illustrert med færøybåten som Kvinnherad kystlag fekk i gåve denne sommaren. (Arkivfoto) Foto: Morten Nygård

Kulturminne-eigarar kan no søkje tilskot

Det er fleire ordningar ein kan søkja på.

Jorun Larsen
Publisert: 18.10.2022 06:30

– Det første viktige steget er eigarane sine søknadar, seier riksantikvar Hanna Geiran i ei pressemelding.

Riksantikvaren rådar alle som eig kulturminne til å jobba godt med søknaden sin, og lese gjennom informasjonen om tilskotsordningane.

Artikkelen held fram under annonsen.

Det er dei ulike fylkeskommunane som fordeler midlane til søkjarane. I 2022 fekk kulturminne i Vestland fylke tildelt nesten 82 millionar samanlagt.

Tilskota var fordelt på følgjande kategoriar: Freda kulturminne i privat eige (21.650.000 kr.), teknisk-industrielle kulturminne (12.100.000 kr.), brannsikring tette trehusmiljø (1.700.000 kr.), profane mellomalderbygg (1.365.000 kr.), mellomalderruinar (5.000.000 kr.), fartøyvern (20.000.000 kr.) og verdsarv (20.000.000 kr.)

På nettstaden til riksantikvaren kan ein lesa meir om ordninga, samt få tips om kva ordningar ein kan søkje tilskot frå.

Søknadsfristen for neste års tildelingar er 1. november.

NYHENDE