Kroppsfokus og eteforstyrringar på timeplanen
– Både kroppsfokus og eteforstyrringar er sterkt til stades blant ungdommane og det har fått ein del merksemd i media, så me tenkte me ville ta initiativ til ein temakveld.
Publisert
Sist oppdatert
Det seier Gunn Marit Vestvik Flatland frå Rosendal Helselag i samband med initiativet deira, eit initiativ dei får ungdomskulen og idrettslaget med seg på, saman med Uskedal Helselag.
Temadagen blir skipa til 18. oktober. Resultatet av samarbeidet blir ein halv skuledag for elevane på ungdomsskulen skal vera med på dagen, og på kvelden er foreldra til elevar i 5. til 10. klasse frå skulane i ungdomskulekrinsen inviterte til føredraga.
Annonse
Ekspert
– Kroppspresset er relativt stort i idretten, meiner Gunn Marit Flatland når ho skal forklara kvifor ynskte å ha idrettslaget med på arrangementslaget.
Rosendal Helselag søkte om støtte frå Sparebank1-stftinga Kvinnherad, og fekk 99.000 kroner til prosjektet «Kropp i fokus». Ein del av desse midlane bruker dei til å få Karen Løvendahl Mogstad frå Trøndelag til temadagen.
– Ho er lege og fagperson med stor kunnskap om eteforstyrring, og har ei dotter som har hatt eteforstyrring. Saman med dottera har ho skrive boka «Vår vei ut», og ho har mellom anna vore på «Lindmo» og snakka om eteforstyrring, fortel Flatland.
Annonse
Beate Anstenrud frå avdelinga for sunn idrett på Olympiatoppen kjem også for å bidra på temadagen.
– Tema som opptek
– Me tenkjer at det kan vera lurt å ta dette ut av den vanlege skuledagen, så difor tar me alt på samfunnshuset. Der blir det fiskeburgerar til lunsj før Mogstad og Anstenrud snakka til ungdomskuleelevane, forklarer Flatland vidare.
På kvelden blir det dei same føredragshaldarane, men når det er vaksne som er publikum, ventar arrangørane seg ein litt anna bodskap.
– Dette er tema som fenger og som folk er opptatte av når me snakkar om det, seier leiar i Rosendal Helselag Bente Haugen om temavalet.
Jostein Hatteberg, leiar i Rosendal Turnlag (RT), gler seg over at ein får fagfolk utanfrå til å koma og halda føredrag.
Annonse
– Profilerte personar og institusjonar er med på å dra folk til arrangementet, meiner Hatteberg.
– Trenarar frå RT er også inviterte, men det er ikkje eit ope møte i tradisjonell forstand, sluttar Flatland om temadagen.
