Kritikarroste «Moskus» til Husnes Jazzklubb
Husnes Jazzklubb held fram med å gjera imponerande bookingar, og får besøk av eit spanande band fredag 8. november.
Moskus er i utgangspunktet ein trio beståande av pianist Anja Lauvdal, bassist Fredrik Luhr Dietrichson og trommeslagar Hans Hulbækmo. Denne trioen har motteke fire Spellemanns-nominasjonar fordelt på fem studio-album. Musikken ligg i skjeringspunktet mellom minimalisme, avant-garde, ambient og jazz, og uttrykket er prega av leikent og kreativt samspel.
No har trioen også fått med seg ein duo frå Bergen: Mari Kvien Brunvoll på vokal, elektronikk, perkusjon og harpeleik, og Stein Urheim på vokal, gitar og elektronikk. Desse musikarane spelar ofte utan «fast oppskrift» og Vestnorsk Jazzsenter skildrar musikken deira som «tradisjonell, eksotisk og tiltalande på ein gong».
Annonse
Denne gjengen, som kallar seg «Mari, Stein og Moskus» har no gjeve ut plata «Barefoot in Bryophyte». Albumet har fått strålande mottaking både i inn- og utland.
