Kristian Valen legg til kai på Husnes

For snart 20 år sidan fekk Kristian Valen gjennombrotet sitt med showet «Fartøy Valen». Når siddisen no er tilbake på turne, er ikkje tittelen på showet tilfeldig.

– Kristian har vore open og ærleg om dei utfordringane som han har hatt, og som media har gjeve mykje spalteplass til – og som har blitt motteke med sympati og respekt. Når han no legg ut på nye eventyr for å underhalda publikum, er det med audmjukheit kor han ynskjer å underhalda publikum slik han kan, samtidig som han opnar seg noko om dei kampane han har vore gjennom, står det å lesa i ei pressemelding.

Kristian Valen kjem med showet sitt til Kulturhuset Husnes torsdag 17. november.