Kravd konkurs med 14,5 millionar i gjeld
Styret i Porsvikneset AS har kravd at selskapet sitt bu skal tas under rettsbehandling som konkursbu. Tingretten er samd.
Publisert
Sist oppdatert
– Betalingsvanskane er ikkje av forbigåande art, så selskapet er ikkje likvid. Det går fram at gjelda er større enn verdien av eigedelane, og selskapet er insuffisient. Selskapet er derfor insolvent og vilkåra for å ta kravet til følge er oppfylt, jf. konkurslova § 60, jf. §§ 61 og 62, skriv Haugaland og Sunnhordland tingrett i si ordskurd i samband med oppbodskravet.
Styret har opplyst at den samla gjelda er på kr 14.572.259,- og at selskapet sine aktiva har ein samla vurdert verdi på ca. kr 5 millionar. Verksemda er i aktivitet, melder tingretten.
Annonse
– Det går fram av kravet at oppbodet er vedtatt av styret. Oppbodskravet oppfyller krava i konkurslova § 66 andre ledd. Retten legg opplysingane i kravet til grunn. Selskapet blir vurdert til å vera ute av stand til å dekkje pliktene sine etter kvart som dei forfell, kommenterer tingretten.
Advokat Per Ivar Hessen frå Døssland Advokatfirma er bustyrar. Han har ikkje hatt høve til å svara på Grenda sine spørsmål i samband med konkursen.
Fatland Holding As (35 %) og Panorama Eigedomsutvikling As (65 %) var aksjonærar i selskapet som no har meldt oppbod.
