Køyrte i sjøen med 2,1 i promille
Sjåføren som hamna i sjøen hadde 2,1 i promille éin time etter ulukka. Retten gir fengsel og 90.000 i bot etter utforkøyringa.
Publisert
Sist oppdatert
Utforkøyringa 13. mai kunne fått fatale følgjer for sjåføren i tjueåra og mannen som sat på med han, men til alt hell berga begge seg i land etter utforkøyringa på Sunde. No er dom avsagt i saka.
I samband med domsavseiinga presiserer retten at ved utmåling av straffa skal det særleg takast omsyn til graden av påverknad og kva farar køyringa medførde.
Annonse
– Sjølv om køyringa fann stad på eit tidspunkt då det erfaringsmessig er lite trafikk, så føregjekk ho på offentleg veg, og sikta hadde svært høg promille. Dette er skjerpande, skriv retten.
Det vart også påpeika som skjerpande at sikta hadde med seg passasjer på køyreturen, og at køyringa enda med at bilen hamna i sjøen og ble funnet igjen på ca. 5 meters djup.
– Det er berre tilfeldig at utforkøyringa ikkje enda med alvorleg personskade eller død, for de to. Det var i tillegg materielle skader på autovernet og bilen ble totalvrak, konstaterer retten.
At tiltalte har tilstått vert vektlagt i formildande retning, mellom anna fordi det raskt avklarte kven som førte bilen, og at saken då kunne gå som tilståingssak.
Annonse
Retten var samd i forslaget til påtalemyndigheita på fengsel i 27 dagar og bot på 90.000 kroner. Mannen vart idømt tap av føreretten for to år og to månader, og må ta full ny førarprøve for få tilbake førarkortet.
