Køyrte heim yngre tenåring

Patruljen tok hand om tenåringen rundt klokka 02.30, natt til laurdag.

Politistasjonssjef Sigurd Børve opplyser at tenåringen var på ein stad kor hen openbert ikkje skulle opphalda seg, utan å gå nærare inn på kor i Kvinnherad det var.

– Tenåringen vart køyrt heim til sine respektive, seier Børve alvorleg og legg til at så unge tenåringar ikkje har noko å gjera ute midt på natta.

– Dette viser at ungdommane ikkje alltid er der foreldra trur. Ein må ha god dialog og setja gode vilkår for kor tenåringane skal vera. Det er viktig, slår Børve fast.