Køyrde utagerande mann heim

Laurdag rundt midnatt måtte politiet rykka ut til ein utestad i Rosendal. Meldinga gjekk ut på at ein mann hadde fått litt for mykje å drikke, og oppførte seg aggressivt og utagerande.

– Patrulje var på staden og tok hand om vedkomande, ein mann i 20 åra, fortel Torgeir Fosse ved Kvinnherad politistasjon.

Mannen hadde lang køyreveg heim, og Fosse opplyser at han fekk roa seg i baksetet.

– Han fekk tid til å roa seg ned på turen, og då han var heime fekk han pålegg om å halda seg der, legg Fosse til.