Kortslutning i ein brytar på 24.000 volt

– Etter at vi fekk lagt inn straumen har det gått bra. Det er alltid litt ustabilitet i elektrolysen etter at straumen har vore vekke, så det har blitt jobba litt med å stabilisera elektrolysen. No er vi tilbake til vanleg bemanning, sjølv om vi har hatt nokre folk til stades på høgspentområdet for å kartlegge skade-omfanget. Elles har vi no normal drift, seier han til Grenda.

Mykje krefter i sving

Vidare presiserer han litt rundt eksplosjonen som hendte fredag kveld, rundt klokka 21.

– Det var kortslutning i ein brytar til ein av likerettarane våre. Det er ikkje ein vanleg brytar, men ein på 24.000 volt. Når noko slikt skjer oppstår det mykje krefter, så dei er difor plassert i eksplosjonssikre skap. Likevel vart det røykutvikling, fortel han.

Dei eksplosjonssikre skapa er bygd for å tole hendingar som dette, og at det oppstår situasjonar som dette er såleis noko som blir tatt høgde for.

– Vanleg er det ikkje, men det er heller ikkje unikt, slår fabrikksjefen fast.

Alltid førebudd

Anlegga til Hydro Husnes er bygd på det Ystgaard kallar n minus 1-tryggleik. Det vil sei at dei alltid har eitt ekstra anlegg som kan leggast inn dersom slike ting skjer.

– Vi har 11 likerettarar, og vi driftar alltid med ti. Vi har altså ein i beredskap. Når dette skjedde i går kveld kunne vi dermed legga inn det ekstra anlegget.

Ein likerettar er eit apparat som formar vekselspenning og -straum om til likespenning. Likerettarane til Hydro Husnes er lokalisert i straumhagen, mellom elektrolysehallane og straummastene, ned mot Opsangervatnet.

– Staben sit no og føl med på oppkøyringa

– Liten eksplosjon i ein likerettar, med påfølgande brann og røykutvikling

Rykte om brann på Hydro Husnes: – Eg kan stadfesta at det har vore ei hending