Kortreist flaskepost funnen etter 20 år
– Lite kreativt innhald, vedgår avsendaren.
Publisert
Uskedalen.no kunne måndag fortelja om ein flaskepost sjøsett i Uskedalen i 2003 som vart Årsnes.Gaute Bondhus fann måndag føremiddag flaskepost på Årsnes.
– Bondhus jobbar på Lerøy sitt oppdrettsanlegg som ligg på Årsnes. I dag var han med på ei strandsonebefaring, mellom anna for å sjå om det var søppel i fjæra. Då var det at han fann flaskeposten kilt fast mellom nokre steinar, skriv uskedalen.no.
Annonse
Nettstaden legg til at avsendarane er truleg Marianne og Ingebjørg Haugland, 8 og 9 år, og at hendinga ligg sikkert minst 20 år tilbake i dag.
– Telefonnummeret er gamalt og tilhøyrer Lars Haugland. Uskedalen.no er takksam for meir informasjon, ikkje minst frå dei som skreiv brevet og la det ut som flaskepost, skriv nettstaden.
Inspirert av barne-TV
– Eg hugsar at me la ut flaskeposten, seier Ingebjørg Haugland til Grenda om stuntet til ho og tremenningen Marianne, som bur på Osterøy.
Annonse
– Det var vel noko me hadde sett på barne-TV. Det var sikkert hennar idé, kan aldri tenkja meg at eg var så kreativ. Det var ein kort seglas, men heller ikkje så mykje informativt innhald. Når eg tenker meg om, trur eg ikkje eg har sett min medsamansvorne sidan då. Det er uansett løye at den vart funne, smiler 28-åringen som no er busett i Omvikdalen.
