Koronavaksine: Regjeringa med oppmoding til seniorar
Onsdag vart det kjend at regjeringa anbefalar ny oppfriskingsdose med koronavaksine til alle over 75 år, frå og med 1. juli.
Publisert
Den nye anbefalinga kjem etter råd frå Folkehelse Instituttet (FHI).
– Overvakinga vår viser at smitta aukar. Vaksinasjon er framleis hjørnesteinen i regjeringa sin beredskap og me har sørga for å ha nok tilgjengeleg vaksine. Det er lenge sidan dei eldste fekk førre oppfriskingsdose. Difor er det behov for å vaksinere dei mest sårbare innbyggjarane våre, seier helse- og omsorgsminister Ingvild Kjerkol i ei pressemelding.
Annonse
Sjølv om det no blir særskilt fokus på dei over 75 år, er det sjukeheimsbebuarar og dei over 80 år som vil verta prioritert først. Frå 1. september vil også dei mellom 18-64 med underliggande sjukdommar, samt personar frå 65 år og oppover få tilbod om ein slik oppfriskingsdose.
