Kontroll av MC ved KVV – fire vart avskilta og anmeldt
Statens vegvesen og politiet hadde tysdag morgon kontroll av motorsyklar og mopedar ved Kvinnherad vidaregåande skule. Det enda med fire avskiltingar.
Publisert
Sist oppdatert
«Vi hadde i dag tidleg kontroll på mopedar og motorsyklar ved Kvinnherad vidaregåande skule i samarbeid med politiet. Av 19 kontrollerte vart fire avskilta og anmeldt for trimming av motor, og det vart skrive ut kontrollsetlar for tekniske manglar på 10 andre. Mange på støy og lys/speil», opplyser Statens vegvesen i ei pressemelding.
Dei legg til at alle elevane tok det med godt humør.
Annonse
«Så vi kjem gjerne tilbake», lovar Vegvesenet.
Stripo
Etterpå vart det gjennomført kontroll på Stripo, med følgjande resultat:
* To førarar vil bli anmeldt for køyring utan bremselys.
Annonse
* Eitt køyretøy vart avskilta på grunn av manglande EU-kontroll.
* Eitt køyretøy mangla forsikring, men her klarte førar å ordna opp.
* Éin førar fekk gebyr for å ikkje ha med vognkortet.
Dei to kontrollane omfatta i alt ti tunge og 33 lette køyretøy.
