Familien Uherek var nokre av dei som hadde tatt turen til Tveitedalen. Pappa Stanislav med Anika (2) i armane, og Mamma Katarina med sonen Emil (4,5 mnd) på magen.

Kom deg ut-dagen lokka mange til Tveitedalen

Laurdag feira DNT og IL Ternen Kom deg ut-dagen, «Heile Norge bålar» og startskotet for Friluftslivets år med rebus, skiløp, leik og moro.

Journalist
Publisert Sist oppdatert

Det var opplett, tidvis sol og kring sju plussgrader, som nok var med på å lokka spesielt mange ut i skiløypene i Tveitedalen denne dagen. I tillegg kom DNT-maskot Turbo, til stor begeistring hos dei små. Mona Eikemo Røstbø hadde telt om lag 30 barn.

– Men med foreldre, besteforeldre og andre så blir det sjølvsagt mykje meir. Så vi er veldig nøgde med oppmøtet. Det er elles god temperatur i dag, og sjølv om vi gjerne skulle hatt litt meir snø, går det framleis heilt fint å både aka og gå på ski, sa ho.

Ikkje avansert

Arrangementet var meint å vera lågterskel.

– Ungar er ofte fornøgde berre dei får koma seg ut og møta andre ungar. Ofte legg ein lista litt for høgt, men ein treng ikkje alltid gjera det så avansert, la Mona til.

Sidan det også var «Heile Norge bålar»-dagen, hadde Kiwi sponsa arrangementet med pølse i brød som dei frammøtte kunne få grilla sjølve på bålet. Og det var både rebus og skirenn for dei som ønska å delta på dette.

– Her har vi også fleire fine premiar, og skirennet kan ein sjølvsagt ta både med og utan ski, smilte Mona.

Knut Grønstøl (9) klarte å lokka Turbo med seg på ein aketur.
Andrea Øye Røssland (2) og pappa Morten Røssland var klare for ein kjekk Kom deg ut-dag.
Mari Teigen Varanes og Erling Varanes Hauge (3) i full fart ned akebakken.
Håvard Varanes Hauge (6) tok rebusen på ski.
Mathias Fausk Eikemo (12) hadde allereie fullført rebusløpet. Det syntest han hadde gått veldig greitt. Han hadde ikkje tatt med seg skia denne dagen, men det var fleire akebrett alle kunne nytta seg av.
Det var i alt seks spørsmål ein skulle svara på i rebusen, for å finna fram til løysingsordet.
Håkon Grønstøl (6) (F.v.), Jonathan Øvstebø (9) og Knut Grønstøl (9) var ferdige med rebusen, og meinte det var lett. Dei hadde kome fram til rett løysingsord, som var «vinter».
Sunniva Blokkum (5) koste seg med ski på beina.
Ingrid Torkildsen (3,5) og Rune Torkildsen var av dei som lot seg lokka til Tveitedalen denne dagen.
Det såg ut til at Ingrid Torkildsen syntest det var godt å slappa av på akebrettet ei lita stund.
Plutseleg kunne små og store sjå ein blå skikkelse koma ned bakken.
Og det var sjølvsagt Turbo!
Andrea Øye Røssland (2) ville fram og helsa på Turbo.
Johan Heien (6) gav Turbo ein klem.
Mari Teigen Varanes gav Turbo ein high five.
Knut Grønstøl (9) hadde fleire rundar i akebakken.
Søskena Lars Hallvard (10) (F.v.), Sverre Bernard (10) og Kristina Vilde Røssland (12) grilla pølser.
Knut Grønstøl (9) klarte å lokka Turbo med seg på ein aketur.
Erling Varanes Hauge (3) skulle gå skirenn med ski.
Sunniva Blokkum (5) måtte ha seg litt mat før ho kunne gå skirenn.
Magne Heien ville også bli med på barneskirenn, men måtta ha litt hjelp til å få på seg nummeret.
nyhende fritid
Powered by Labrador CMS