Knuste ruter og oppførte seg trugande

Politiet fekk tysdag klokka 14.15 inn to ulike meldingar om ein vaksen mann som oppførte seg trugande i Rosendal. Vedkomande hadde mellom anna knust ruter, ifølge Torgeir Fosse ved Kvinnherad politistasjon.

Han kan ikkje fortelja om hendinga skjedde på ei privat adresse, men legg til at det var fleire personar som fekk med seg den utagerande oppførselen til mannen.

– Nokon av desse fekk saman klart å halda mannen igjen i påventa av at patrulje skulle kome til staden, seier Fosse.

Han legg til at mannen etter kort tid blei tatt hand om av helsevesenet.