Knapp auke i trafikken - men éin månad slår alle rekordar

Ifølgje Statens Vegvesen sine tal for 2024-trafikken, finn ein at Jondalstunnelen har hatt nok eit år med vekst. Ser ein på snitt per døgn for heile fjoråret, er det ein pluss på totalt 27 køyretøy samanlikna med året før. Altså ikkje den store auken, men rekord er rekord.

9 av dei 12 månadane hadde auke frå året før, og tala viser at september var månaden med størst vekst. 78 fleire køyretøy i snitt frå same tid året før.

Juli var den travlaste månaden, som dessutan sette ny rekord for høgast snitt per døgn, med totalt 1.692 køyretøy. Det er 60 fleire enn rekorden frå 2023.

August var månaden med størst nedgang (-117).

Gjennomsnittleg døgntrafikk per år

2013 - 369

2014 - 436

2018 - 600

2019 - 685

2020 - 642

2021 - 743

2022 - 827

2023 - 886

2024 - 913

* Jondalstunnelen opna 7. september 2012, og vart gratis 8. juli 2020.