Erna Solberg: N/A

Klart for Leve heile livet-konferanse

«Leve heile livet» er ein kvalitetsreform etter Solberg-regjeringa som skal bidra til at eldre kan meistra livet lenger, samt ha ein trygg og aktiv alderdom. Reforma skal no følgjast opp i kommunane, og det regionale støtteapparatet for arbeidet i Vestland inviterer difor til konferanse.

Jorun Larsen
Publisert

I eit nyheitsbrev informerer Statsforvaltaren i Vestland om innhaldet i konferansen, som vert gjennomført i Sogndal 8. november og i Bergen 15. november.

– Hovudtema for konferansen er Leve heile livet inn i ny fase, implementering og gjennomføring. Helsedirektoratet vil orientere om kor vi står i reformarbeidet, og kommunar vil dele sine erfaringar knytt til denne fasen, kan ein lesa i brevet.

Programmet vil mellom anna ta føre seg butilpassing for eit aldersvenleg samfunn, samt helsehjelp og samanheng i tenestene. Med dette initiativet ønskjer arrangøren å etablere ein møtestad for informasjonsutveksling, samt å skape engasjement og begeistring for reformarbeidet.

Konferansen rettar seg mellom anna mot brukarorganisasjonar, representantar frå eldreråd, politikarar, tilsette i omsorgstenestene i kommunane og andre interesserte, og det er gratis å delta. Påmeldingsfristen er 17. oktober.

Leve heile livet - ei kvalitetsreform for eldre, Meld. St. 15 (2017-2018)

Reforma skal bidra til at eldre kan meistre livet lenger, ha tryggleik for at dei får god hjelp når dei har behov for det, at pårørande kan bidra utan at dei blir utslitne og at tilsette kan bruke kompetansen sin i tenestene. Hovedfokus i meldinga er å skape eit meir aldersvenleg Norge, samt finne nye og innovative løysingar på dei kvalitative utfordringane knytt til aktivitet og fellesskap, mat og måltid, helsehjelp, samanheng og overgangar i tenestene.

offentleg administrasjon nyhende norge medisin og helse kvinnherad bergen sosiale tilhøve
Powered by Labrador CMS