Klargjering i Ranavik

Før helga vart bilistar bedne om å fjerna bilar frå området der Byggservice skal gjera klart til ny kai. Måndag var dei på plass for å gjerda av området. Men det vil framleis ta litt tid før arbeidet med grunnen og kaia kjem i gang.

– Me kjem kanskje ikkje inn med gravemaskiner og sånt før på nyåret. Men det er ein del arbeid som må gjerast fyrst. Me skal mellom anna inn med dykkarar og kartleggja kablar under sjøen der, fortel Knut Tungesvik, dagleg leiar i Byggservice.

Etter at ladetårnet til ferjene kom opp, har snøggbåtane måtta bruka ein mellombels kai. Men no skal ein permanent snøggbåtkai snart byggjast litt nærmare venterommet i Ranavik.