Klare for semifinalen i NM
J17-laget til Hordaland står med fire sigrar så langt i NM for regionslag. Søndag morgon ventar Møre og Romsdal i semifinalen.
Publisert
Sist oppdatert
Fem av seks jenter på Hordland-laget kjem frå Strand-Ulv. Berre Melina Mol, søster til OL-vinnar Anders Mol, syt for at det ikkje er eit reint Kvinnherad-lag som skal kjempa om medalje i denne norgesmeisterskapen. Emma Rødal, Siri Aasgard, Lone Sofi Silke, Lilli Aksnes-Øystese og Henriette Næss Våge har gode sjansar til å reisa heim med edelt metall om halsen.
I mellomspelet laurdag halte jentene i land to sigrar mot Agder og Rogaland, men spesielt den siste kampen mot Rogaland vart ein tvekamp over fem sett. Sigeren gjer laget til det høgast rangerte av laga, og Strand-Ulv-spelarane skal møta det lågast rangerte av semifinalelaga.
Annonse
Semifinalen startar kl. 09.00 søndag morgon. G17-laget til Hordaland, med David Eikeland og Eirik Skjelnes på laget, speler om 5. plassen kl. 10.30 søndag føremiddag.
