Klar for litt fart og spenning? Skitrekket opnar i helga!

– Her er det tilbod til store og små. Så anten de likar utfor, slalåm, langrenn eller akebrett så er det verd å ta turen opp i Fjellhaugen i helga! skriv dei i ei gladmelding på Facebook.

No er ljosløypa preparert, og løypa til Nautavatnet likeins. Trakkemaskinane har vore i flittig bruk dei siste dagane, medan snøen villig har lava ned. Gjengen er klare til å ta i mot folk i trekket både laurdag og søndag.

For å halda løypene og skisenteret klare, etterlyser dei fleire frivillige til å dela på arbeidet.

– Sidan vi i stor grad er drive på dugnad kan det vere mange oppgåver å gjere, men for få armar til å gjere dei så fort som vi har lyst. Har du lyst å bli med på dugnaden som frivillig? spør dei Facebookfølgjarane sine, og legg til at dei er glade for at dugnaden deira betyr noko for andre enn dei sjølve.