Kjente TV-profilar i Baroniet Rosendal
I denne veka har forfattaren og bloggaren, Linnéa Myhre, spelt inn sin kommande VGTV-serie, «Da vi styrte internett». Innspelinga fann stad i Baroniet Rosendal, og fleire kjente bloggarar, også kalla influensarar, var med under innspelinga. Grenda har teke ein prat med VGTV, om kvifor dei la turen til bygda Rosendal.
Publisert
Sist oppdatert
– Linnéa har invitert med seg fem bloggerar me skal bli betre kjent med i TV-serien «Da vi styrte internett», informera innhaldsprodusenten i VGTV, Wibeke Nord Haugland, til Grenda.
Om du ikkje har fylgt med på sosiale medium dei seinaste dagane, er det bloggerane Kristin Gjelsvik, Anna Rasmussen, Julianne Nygård, Stina Bakken og Trine Grung som har opphaldt seg i Rosendal denne veka. Med sine tusenvis av følgjarar, delar dei bileter og videoar frå mellom anna baronihagen, og utsikta frå Rosendal Fjordhotel.
Annonse
– Linnéa Myhre er programleiar for serien me lagar, og ho valte sjølv Baroniet Rosendal. Dette for at ho gjentatte gongar har vore her. Det er ein svært vakker stad, så me er alle veldig glade for at me fekk lov å filma her. I tillegg er det sjølvsagt veldig fint med naturen i Rosendal, med fjella og fjorden rundt, seier VGTV og held fram:
– Linnéa har allereie hatt stor suksess med podcast og bok i VGTV, og den kommande TV-serien vert ein forlenging av innhaldsuniverset me har skapa via podcasten «Gi meg alle detaljene».
Innspelinga starta måndag, og strakk seg over tre dagar. Kjekt med kjente TV-profilar som likar seg i Rosendal, og som kjem attende gong på gong. Er det Baroniet Rosendal, fjella og den vakre naturen, eller den kjekke lokalbefolkninga som lokkar dei mon tru? Eg vil tippa begge!
