Kjem fareskilt i uoversiktleg kryss
Grunna dårlege siktforhold i krysset ved Matersvegen, Myklebustvegen og Blådalsvegen ba Vestland fylkeskommune i juni Statens vegvesen om eit vedtak for ny skilting her. Sistnemnde gir tommel opp.
Publisert
Sist oppdatert
Fylkeskommunen argumenterte med at dei dårlege siktforholda i krysset har gjort det vanskeleg å sjå køyrande på fylkesvegen som skal svinge inn mot Blådalsvegen. Argumentet var ingen bøyg for Statens vegvesen, og dei har no vedteke at det kan setjast opp to fareskilt knytt til dette krysset.
Det vil difor bli merka «farleg vegkryss» med underskiltet «svingpil» i begge retningar i svingen som gjer krysset uoversiktleg. Dette til trass for ein komande skiltregel som seier at denne kombinasjonen ikkje lenger skal vera mogleg.
Annonse
«Sidan ny utgåve ikkje enno har trådd i kraft, kan fylkeskommunen fremje sak på eksisterande utgåve.» skriv Statens vegvesen i vedtaksbrevet.
Det er Vestland fylkeskommune som i det følgjande er ansvarlege for å bestille og montere skilta.
