Katten kom til svars
I etterkant av utforkøyringa i Ølve førre torsdag, der ein bil hamna i sjøen ved Håvik, vart ein katt som var i bilen etterlyst.
Publisert
Sist oppdatert
– Tusen takk for at de etterlyste katten for meg. Han er no komen til rette, og det går bra. Takk for fin måte å omtala hendinga på også, seier kvinna som førte bilen i ein telefon til Grenda.
Bilen kvinna førte hamna i fjøresteinane i Håvik i Ølve. Med i bilen var også ein katt i bur, som kvinna i 80-åra fekk med seg ut av bilen. Delar av buret vart knust i samanstøyten, og katten flykta ut av hòlet, og vart etterlyst etter hendinga.
Annonse
No er altså katt og eigar sameint igjen, til glede for begge.
